Sérfræðingur í auglýsingabirtingum

Datera óskar eftir metnaðarfullum einstaklingi til að bætast í öflugan hóp sérfræðinga í auglýsingabirtingum. Viðkomandi mun fá tækifæri til að vinna með fjölbreyttum og áhugaverðum viðskiptavinum og sinna krefjandi verkefnum í skapandi og lifandi umhverfi.
Við leitum að einstaklingi sem hefur brennandi áhuga á auglýsinga- og markaðsmálum, á auðvelt með að vinna með og túlka niðurstöður fjölmiðla- og markaðsrannsókna, og er tilbúinn að tileinka sér þekkingu á árangursríkum auglýsingaherferðum. Reynsla úr samskonar starfi er mikill kostur.Helstu verkefni og ábyrgð

• Gerð birtingaáætlana
• Markviss samskipti, endurgjöf og ráðgjöf við viðskiptavini
• Samskipti við miðla
• Markaðs- og miðlagreiningar
• Greining gagna og skýrslugerð til að meta árangur herferða
• Áætlanagerð og þátttaka í stefnumótun
  

Menntunar- og hæfniskröfur

• Reynsla af markaðs- og/eða birtingamálum er mikill kostur
• Háskólamenntun sem nýtist í starfi
• Þekking á helstu markaðs- og greiningartólum er mikill kostur
• Góð samskiptahæfni og rík þjónustulund
• Sjálfstæð og öguð vinnubrögð
• Frumkvæði, skipulagshæfni og vilji til að þróast í starfi
• Gott vald á íslensku og góð máltilfinning
  

Um Datera

Datera er þekkingar- og ráðgjafafyrirtæki á sviði markaðssetningar og birtinga. Við sérhæfum okkur í gagnadrifnum og sjálfvirkum auglýsingaherferðum, leitarvélaherferðum og almennum birtingaáætlunum. Við hámörkum árangur og nýtingu markaðsfjár viðskiptavina okkar með þekkingu, innsæi og nýjustu tæknilausnum á sviði stafrænnar markaðssetningar.

Að vinna hjá Datera

• Lifandi og skemmtilegt starfsumhverfi í miðbæ Reykjavíkur
• Greiddur hádegismatur 2-3 sinnum í viku
• Mánaðarlegir fræðslumorgnar
• Sveigjanlegur vinnutími
• Góður starfsandi og öflugt félagslíf
  

Umsóknir

Umsóknarfrestur er til og með 17. ágúst 2025.